Euskal Herriko Unibertsitateko IXA
eta Aholab taldeek, Vicomtech eta Robotiker zentro teknologikoek eta
Elhuyar Fundazioak Hizking 21- Hizkuntz Ingeniaritza XXI. mendearen
atean proiektua abiarazi dute. Proiektuaren helburu nagusia da
euskararako oinarrizko teknologiak, tresnak, baliabideak eta
aurreaplikazioak garatzea, euskara automatikoki prozesatzeko
gaitasuna izango duten eta, beraz, euskarazko hizkuntz gaitasuna
izango duten sistemak egin ahal izateko. Hizking 21 proiektuak 2005.
urtera arte iraungo du eta Eusko Jaurlaritzaren Industria Sailaren
dirulaguntza izango du.
Hizking 21 proiektuaren helburuetako
bat hau da: hizkuntz teknologien garapena aplikazio-eremu hauetara
bideratzea: hizketa-ezagutza eta hizketa-sintesia, edukien
kudeaketa, dokumentu-sorkuntza eta itzulpen-teknologia, ikaskuntza
telematikoa eta multimedia-sistemak.
Halaber, proiektu honen
bidez nahi da hizkuntz ingeniaritzako bikaintasun-sare bat sortzea,
ahozko eta ida- tzizko teknologien inguruan. Sare horrek Europako
beste sare batzuekin lehiatzeko aukera emango dio Euskal Herriko
hizkuntz teknologien sektoreari.
Proiektua amaitzean, gaur
egun ingeleserako dauden oinarrizko tresna eta baliabideak
euskararako ere garaturik edukiko lirateke.